Aku Anak Sarawak: IBAN TRACKERS (SARAWAK RANGERS)

“IBAN TRACKERS” enggau penubuh “Sarawak Ranger” (1948-1960)

Plantun lumur 1, ti diketuaika Lt Col C.J Baird OBE

Bala Iban Trackers benung trining berarak ba kem sedadu Seginting, Port Dickson

Pengelala

Sir James Brooke udah dilantik nyadi rajah urang putih Sarawak kena 24 aribulan 11 taun 1841 ari Sultan Brunei laban pengudah meri tulung ngedarka kumpulan raban ti ngelaban Perintah Brunei di Kuching. Nya meh pengepun peturun Brooke ngambi alih ba Sarawak dalam tempoh 105 taun, sebedau Sarawak diserah ka ngagai Mahkota British kena 1 aribulan 7 taun 1946.

Sir James Brooke ngejang ke dunia kena 11 aribulan 6 taun 1868 ba Devon, England, pengudah ny mega kena 3 aribulan 8 1868, Charles Brooke nyadi pewaris Sarawak. Kena 2 aribulan 10 taun 1972, ia tadi lalu nubuhka Sarawak Rangers, kumpulan mit nya ditubuh ngam2 bulan 10 taun 1862, dini sidak tok semina ari 32iko urang dayak aja. Laban Charles Brooke tok tdi nemu, kena ngelaban Dayak, ia mesti ngena pengering bansa Dayak empu

Kena taun 1930s ekonomi Sarawak balat amat merudum meri penanggul besai ngagai raban iban trackers. Kena 29 aribulan 2 taun 1932, iban trackers rasmi dibubar.

Perang dunia kedua

Sarawak Ranger tok tadi bisi terlibat maya perang dunia kedua tang ndai pemadah ti terang. Tang sidak tok tadi terlibat bendar maya ngetan ke menua Lutong, Miri enggau Kuching ari pengganas bansa Jipun maya bulan 12 taun 1941. Tang sedadu jipun tok tadi kelalu kering nya meri sidak tok tadi ngmbi pemutus belalai ba belah rumah-rumah panjai ti di kawasan kampong menua Sarawak.

Maya Jipun nyerang menua Sarawak, mayuh urang ti kala nyadi Iban Trackers tok tadi begulai pulai bergabung enggau sedadu Australia “Z” begulai enggau Major Tom Harisson, dini alai sidak tok tadi udah bendar meri penanggul ngagai sedadu Jipun maya nyerang Sarawak.

Kena 11 aribulan 9 taun 1945 Australia udah meri pengelantang ngagai Sarawak, lalu kena 29 aribulan 10 taun 1945, sedadu “Z” enggau bala Sarawak Ranger pulai ke menua sidak empu. Pengudah nya nadai nama-nama bisi didinga ari bala raban Iban Trackers sampai sidak bisi dikangau baru kena ngelaban pengganas komunis ba Malaya kena 8 aribulan 8 taun 1948 dalam tempoh 7 minggu penusah ti ninggang Malaya.

Iban Trackers

Kena 8 aribulan 8 taun 1948, tujuh minggu pengudah penusah ti ngundang Malaya 16 aribulan 6 taun 1948, kumpulan satu ya ti terdiri ari 49 iko Iban Trackers udah dianjung ke Malaya kena nlung raban sedadu Commonwealth kena ngelaban enggau nyekilun raban komunis ba kampong Malaya. Tajapan sidak semina dikangau nulung dalam tempoh 3 bulan aja, tang bisi sidak milih tinggal lebih lama ba Malaya.

24 ari 49iko raban sebenar raban tok tadi ti tinggal lalu dikena nubuh siti raban sedadu kumpulan 4. Diak tadi penyampau 24iko sidak tok tadi lalu digabungka enggau sedadu Gurkha enggau bekas raban polis 136. Penyampau 24 iko ke tinggal tadi lalu dipasuk ke dalam raban sedadu Gurkha, British enggau kompani Malayan ti udah lama ditubuhka ba Malaya.

Ba pengujung bulan 8 taun 1948, 55 iko raban Iban datai bulan 10 taun 1948, diak alai sigi bisi 170 iko raban iban ending sigi bisi ba kem Seginting, Port Dickson. Pengudah setiap 3 bulan sidak ba Malaya, sidak dianjung pulai nggai Kuching. Ba tengah bulan 12 taun 1948, ari semua, semina 29iko raban tok tadi setuju manjaika tempoh sidak ba Malaya kena menuhka peminta British Guards Brigade sebedau pemulai sidak ngagai Sarawak. Kompani ke paling penudi tok tadi mulai Kediri 7 aribulan 3 taun 1949.

Kompani Sarawak Rangers@Iban Trackers maya penusah ti ninggang Malaya taun 1948

Raban sedadu Gurkha enggau Iban Trackers maya ngabiska pengganas komunis ba Malaya

Nafas baru Iban Trackers

Pengudah nya, pemerintah Malaya sekali agi minta tulung bala Iban Trackers. Bulan 4 1949, raban baru Iban Trackers ya ke bisi ngundan 40iko raban sedadu udah dianjung ngagai Malaya selama tempoh pengelama 6 bulan. Ketegal atur cara perang ti cukup manah, diak tadi peminta ari Malaya makin niki, sampai ka, kena bulana 12 1952, penyampau 301 sedadu Iban Trackers udah dipinjau ke Malaya. Sepemanjai tempoh nya mega, sepenyampau 1,168 bala bansa Iban udah ngambiska pengawa sidak dalam nyaga ka pengelantang di Malaya. Dalam tempoh 4 taun nya, penyampau 8 iko udah bebadi, 10 iko bakar, enggau 5 iko lenyau ba dalam kompani Iban Trackers tok udah direpot.

Sedadu keterubah ti bebadi ianya tanggal 12.3.1951 dini alai Tracker Jaweng anak Jugah ari menua Ulu Gaat, Kapit. Jaweng anak Jugah tok tadi udah diambi enggau 42 iko komando urang putih ti dikangau “ Commando Royal Marine”, dini Jaweng tok enda disengaja kena peluru tesat pengilap siko ari sedadu dalam misi ngetan Malaya.

Ba taun ya ka sama mega, Tracker Awang anak Rawing ari Skrang udah diberi pingat “George Cross Award”, “Britain’s Highest Military Award”, enggau pingat “Seri Pahlawan Gagah Perkasa (SP). Pingat nya udah diberi ngagai Awang pengudah ia nyelamat ka Private Hughes ahli platun 10, kompani D, Batalion 1 Worcestershire Regiment, pengudah platun sidak diserang kumpulan pengganas 27.5.1951. pingat tok pertama kali diberi dalam sejarah ngagai Awang siko aja ari pengaman Malayan, enggau semina sigi nya aja kala diberi sepemanjai penusah ti nyerang Malaya.

3.11.1952 tracker Menggong anak Panggit dilantik nyadi pemangku lans-koperal ba salah siti plantun Iban Trackers, ia diasuh nyadi kepala dalam siti serbuan ngagai siti kem, pengudah komander platun sidak, Leftenen RRG Bald ari battalion 1 The Cameronians ( Scottish Rifle), udah ditembak mati serta-merta ba serangan pertama sidak, ktegal pemerani Menggong tok tadi, diak ia udah diberi pingat “George Medal”.

Ukai mina nya aja, mayuh ag pingat enggau gelar udah diberi ngagai Iban Trackers selain ari Awang anak Rawing enggau Menggong anak Panggit nya tadi. Taja pia, Iban Trackers tetap dianggap rakyat biasa enggau enda diberi tabik enggau basa ti patut ari perintah Malaya.

Sarawak Ranjers (kompani ba Malaya)

Semua tuai enggau ketuai ba Sarawak maya nya cukup enda puas ati enggau hak separuh kuasa sedadu ti diberi perintah Malaya kemaya nya, dini alai sidak ingin ka semua anak laki sidak ti berentaruh ke seput ngetan ka Malaya kemaya nya diberi kuasa penuh sebenar sedadu ti ka patut enggau setimpal ba tanggungjawab enggau identity sidak ke maya nya.

Kena 1.1.1953 Iban Trackers tok tadi ditubuhka baru, tang nama ditukar ngagai Sarawak Ranjer (unit Malaya) ti dipegai Lt Col C. J Baird ti nyadi komander ti keterubah megai Sarawak Ranjer. Tajapan kangau nama sidak udah diubah, tang pengawa ti digaga sidak agi tetap sama baka pengawa sidak bka ka maya sidak nyadi Iban Trackers suba. Cara atur cara bala Iban maya nya cukup narit ati bala tuai British, lalu sidak tadi diambi British nyadi sedadu British baka sida ti udah diambi nyadi sedadu Gurkha suba.

Sarawak Rangers (Kuasa tanah timur)

Kena 31.3.1960, Sarawak Rangers (Unit Malaya) udah dibubar tang ari siti udah nya ianya 1.4.1960, ia tadi dinamaka baru enggau ditubuhka baru ngena nama Sarawak Rangers (Kuasa tanah timur) ti nyadi siti ari unit ba Sedadu British. Pengudah nya tadi sidak ulih diambi bertugas ba dini-dini ba pelusuk dunia baka kuasa sedadu Gurkha. Kena ari ke sama mega, Sarawawak Rangers bisi diberi Gabenor-pegawai tinggi berbangsa iban, 2^nd Lt James Tomlow anak Isa. Kena 31.7.1960, penusah ti ninggang Malaya pan nadai agi.

Pemberontakan ba Brunei

Pemberontakkan ba brunei, ketuai sidak ianya, azahari, utai tok nyadi kena 8.12.1962 jam 2.00am, dini sedadu perintah Kalimantan utara nyerang balai polis, istana sultan, rumah ketua menteri enggau rumah karan. Antara urang ke terlibat mayanya ianya Sarawak enggau timur barat borneo. Kena 12.12.1962, kompani Sarawak Rangers (FELF) ti diketuai ka Major Bruce- Merrie dianjung ngagai Brunei seretai enggau sedadu bukai lalu dibantu enggau 99 sedadu tanah Gurkha.

Kena 19.12.1962, 20 iko sedadu ti berjaga ari platun lumur 2 ti dibaruh Lt Mcneil ari timur Anglian bisi meda pemberontak ba Danau dalam kawasan Sarawak ngelaban 13 iko pemberontak ari sungai Tutong , Brunei. Siko ari pemberontak nya bebadi, 2iko bakar enggau kebukai agi ulih ditangkap.

Malaysia Rangers

Pengigat cherita pejuang Sarawak pan udah datai ba pengujung, kompani ti dikumbai Sarawak Rangers pan udah datai ba pengujung. 15.9.1963, sebedau Malaysia ditubuhka, Sarawak Rangers (Kuasa tanah timur) pan dibubarka. Ari siti, 16.9.1963, Malaysia pan ditubuhka, ia pan nyadi batalion lumur 1 Malaysia Ranger. Lebih ari 100 iko sedadu ari Sarawak Rangers (Kuasa tanah timur) enggau ti terbuka nama ka diri secara rela ke dalam unit ke baru baru. Enggau ka selebih ia pulai ke rumah panjai diri empu ba Sarawak.

Chunto pemberani enggau pengering ba perang.

Bala Iban Trackers enggau Sarawak Rangers bisi teknik enggau pemberani ti amat nyelai enggau lain ari urang bukai maya beperang. Sidak mega suah nyadi chunto kuasa perang bukai ba sedadu komenwel. Sidak meda udah narit ati raban British maya penusah ti nyadi ba Malaya, sampaika sidak udah dilamar bala British nyadi sedadu sidak baka sedadu Gurkha ti ulih diguna ba dini-dini alai ba pelusuk dunya.

Dalam tempoh 12 taun sidak bejalaika pengawa sidak, tahap pemayuh sedadu sidak ka bebadi amat ngasuh bala kompani sedadu bukai tekenyit amat, ti ngembuan penyampau bebadi ti cukup baruh ti bebanding enggau sedadu kompani bukai. Dalam semua perang Iban Trackers selalu ya sigi ba depan belama. Dalam tempoh 12 taun perang nadai ngetu, Iban Trackers semina bisi lenyau 20 iko sedadu ti bebadi, enggau 25 iko ti bakar. Penyampau tok cukup ngasuh dini-dini kompani amat bangga enggau jumlah bebadi ti cukup baruh. Laban pemberani enggau pengering sidak, antara anugerah enggau pingt ti kala diulih ka sidak ianya.

· George Cross

· George Medal

· Military Medal

· British Empire Medal

· 19 sijil pengitipan

· Enggau 21 iti sijil ketuai komander

Enti nyema sidak sigi dikelala nyadi sedadu ari pun sidak enggau Iban Trackers, sidak tok ending ngundang lebih mayuh agi pingat. Diatok udah nadai mayuh agi sidak tok ka agi idup. Ia endang nyadi tanggungjawab kitai ngelala sidak ari siti generasi ngagai generasi laban udah seput sidak nyelamat ka menua kitai. Ia tanggungjawab kitai nyimpan, nusui cherita tok ngagai ucu icit kitai ti ka datai dudi ari ila, awak ka nyadi teladan pemberani enggau pengering sidak kena kitai niki semangat diri beteladan ka aki ini kitai munya suba.